Varrezë e të pushkatuarve të Enverit në Përmet?! Reagon ministrja e Ramës: I përket mesjetës

Ministrja e Kultures Elva Margariti ka reaguar ne lidhje me varrezen e zbuluar ne Permet diten e sotme ku ka theksuar se objekti ne fjale i perket periudhes se mesjetes.

Ne nje postim ne faqen e saj zyrtare, Margariti thekson se varreza e zbuluar ne rrugen qe po ndertohet, sipas specialisteve i perket periudhes historike te mesjetes.

Reagimi: Një varrezë mesjetare zbulohet në Përmet!

Gjatë monitorimit të punimeve për zbatimin e projektit Task 5, "Për zhvillimin e integruar urban dhe turistik Berat- Përmet", dolën në dritë disa varre.

Drejtoria Rajonale e Trashëgimisë Kulturore, Gjirokastër ndërmori menjëherë pezullimin e punimeve, dhe në datën 07.07.2021 specialistët tanë realizuan inspektimin dhe vlerësimin e gjetjeve arkeologjike në terren.

Nga rezultatet paraprake mendohet se kemi të bëjmë me një varrezë të periudhës mesjetare.

Në mbledhjen e djeshme të Këshilit Kombëtar të Trashëgimisë Kulturore Materiale u diskutua dhe u përcaktua kryerja e gërmimit arkeologjik të shpëtimit nga ana e Institutit Kombëtar të Trashëgimisë, për varrezën e identifikuar.

Rezultatet e gërmimit arkeologjik të shpëtimit, do të paraqiten për shqyrtim në mbledhjen e ardhshme të Këshillit Kombëtar.