U rrëmbye dhe u dhunua nga 3 personat, Dodë Gjoka përfundon në spital! Si paraqitet gjendja e tij!

Detaje të reja janë mësuar në lidhje me pengmarrjen e 35-vjeçarit të identifikuar si Dodë Gjoka, në parkimin e një lokali në rrugën Lezhë-Milot.

Burime bëjnë me dije se Dodë Gjoka rezulton të jetë një punonjës i sigurisë në HEC-in e Kaçinarit, në Mirditë. Rrëmbimi i tij vjen disa ditë pasi banorët e Kaçinarit protestuan kundër ndërtimit të HEC-it.

Pak minuta pasi u rrëmbye ai është lënë i lirë rreth 10 km nga vendi i pengmarrjes, ndërsa tashmë ndodhet në spital për ndihmë mjekësore.

Mësohet se i riu ka dëmtime në pjesë të ndryshme të kokës dhe trupit, pasi mund të jetë dhunuar nga tre personat që dyshohet se e rrëmbyen.