U prezantuan si policë dhe i morën me forcë para një 36-vjeçari, në pranga 2 autorët në Bulqizë

Aktualitet

U prezantuan si policë dhe i morën me forcë para një

Në prangat e policisë kanë rënë dy persona në Bulqizë pasi iu prezantuan si punonjës policie dhe i morën me forcë, një shtetasi në rrugë, një shumë parash. Sipas njoftimit të policisë, u vunë në pranga shtetasit Dritan Tançi, 26 vjeç (i dënuar disa herë, për vepra penale kundër personit dhe pronës) dhe Valnir Barmeta, 36 vjeç, të dy banues në Bulqizë.

"Njoftimi i Policisë

Finalizohet operacioni policor i koduar “Prezantimi”.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Iu prezantuan si punonjës policie dhe i morën me forcë, një shtetasi në rrugë, një shumë parash, identifikohen dhe arrestohen, si rezultat i veprimeve të shpejta policore, 2 autorët.

Njëri nga të arrestuarit, i dënuar më parë për krime kundër personit dhe pronës.

Menjëherë pas kallëzimit të një 36-vjeçari, se rreth orës 22:00 të datës 21.05.2024, 2 shtetas që i ishin prezantuar si punonjës policie, i kishin marrë me forcë, në rrugë, një shumë të vogël parash, Komisariati i Policisë Bulqizë ka organizuar punën për identifikimin dhe kapjen e autorëve.

Si rezultat i veprimeve të shpejta hetimore dhe policore, të kryera në kuadër të operacionit “Prezantimi”, u vunë në pranga shtetasit D. T., 26 vjeç (i dënuar disa herë, për vepra penale kundër personit dhe pronës) dhe V. B., 36 vjeç, të dy banues në Bulqizë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme, për veprat "Vjedhja me dhunë" dhe "Përvetësimi i titullit apo i detyrës shtetërore"."

 

ME TE LEXUARAT