U plagos pas sherrit në vendin e punës, 20-vjeçari niset në Tiranë për trajtim të specializuar!

Aurel Shino, 20-vjeçari i cili mbeti i plagosur pas një konflikti me një tjetër person në Sarandë, është nisur drejt Spitalit të Traumës në Tiranë për mjekim më të specializuar.

I riu ka pësuar dëmtim në zorrën e trashë si pasojë e plagosjes me thikë.

Ngjarja ndodhi pasditen e sotme në orën 19:30 në rrugën Butrinti në Sarandë. Si pasojë e një sherri të çastit, 23-vjeçari me iniciale O.L. ka plagosur me thikë 20-vjeçarin.

Ky i fundit është punonjës i një parkimi në një kompleks turistik. Nuk dihen ende rrethanat e ngjarjes teksa policia ka vendosur në pranga 23-vjeçarin.