U ekzekutua në atentat mafioz në Athinë, publikohet fotoja e shqiptarit Irakli Davella

Publikohet foto e Irakli Davella i cili mbeti i vrarë nga një atnetat mafioz këtë të diel në Athinë.

Nga të shtënat mbeti i plagosur edhe 46-vjeçari, Edi Lulo, i cili rezulton se është biznesmen në Shqipëri.

Gazetari i TCH, Artur Bibe, raporton se të dy personat ndodheshin në një kafe në momentin që u qëlluan nga një makinë në lëvizje.

Si pasojë e disa të shtënave, një shtetas grek me orgjinë shqiptare ka gjetur vdekjen e menjëhershme.

Viktima ishte pronar i një lokali në zonën Peristeri të Athinës.

Irakli Davella, viktima e sotme e atentatit në Athinë konsiderohet një personazh i lidhur prej vitesh me botën e krimit në Greqi.

Ai rezulton të ketë qenë miku i 3 personazheve të tjerë të ekzekutuar në Greqi vitet e fundit, konkretisht mafiozëve grekë Manolis Karagiannis, Vasili Griva dhe Giorgo Litsa.

Tre të fundit bashkë me Davellën kishin krijuar vite më parë një grup kriminal që vepronte në Athinë.

Një i vdekur dhe një i plagosur është bilanci i një sulmi mafioz të ndodhur në vendin e quajtur Thrakomaqedones në veri të Athinës.

Sipas burimeve policore, dy personat ndodheshin në një kafe në momentin që u qëlluan nga një makinë në lëvizje./tch