U dënua nga gjykata, Alma Kaçi: Nuk jam prostitutë, por gazetare. Do më helmojnë në burg

Alma Kaçi ka reaguar për herë të parë, pas vendimit të dhënë nga Gjykata e Posaçme, e cila e dënoi me një vit burg për veprën penale të prostitucionit, duke i rrëzuar atë të korrupsionit, në lidhje me video-skandalin në zyrën e ish-kryebashkiakut të Kukësit Safet Gjici.

Në një reagim për Ora News, ajo e konsideron si të padrejtë vendimin, duke shtuar se akuza është e mirëmenduar për ta nxjerrë atë keq dhe të përdhosin emrin e saj. Alma akuzon Safet Gjicin se ka blerë gjykatat, teksa sipas saj, këtë gjë e ka deklraur edhe në seancë gjyqësore.

Ajo shprehet se ka qenë gazetar e emisionit Fiks Fare dhe kjo vërtetohet lehtësisht nga emisionet që ka realizuar. Sipas saj, video u dekonspirua gjatë rrugës nga një pakujdesi e saja dhe se SPAK ka hedhur poshtë të gjitha faktet të ndodhura në telefonin e saj të sekuestruara që dëshmojnë se video është realizuar për emisionin Fiks Fare.

Alma shton më tej se ky emision i hedh poshtë punonjësit e saj, teksa akuzon edhe televizionin Top Channel si të politzuar me kryeministrin Edi Rama.

Ndër të tjera, Alma Kaçi thotë se ka marrë informacion se vëllai i Safet Gjicit, i ka ngritur kurth duke e futur në burg dhe më pas aty do e helmojnë dhe do e paraqesin si infarkt. Sipas saj, në fillim nuk i ka besuar, por tani dolën se kanë qenl të sakta.