“U cenua infrastruktura jetike”, Kina dënon sulmin terrorist, por thotë se “Kosova është Serbi”

Kina ka reaguar për sulmin terrorist në kanalin e ujit në Ibër-Lepenc të Zubin Potokut në Kosovë.

“Kina ka marrë parasysh raportet përkatëse dhe dënon shkatërrimin e infrastrukturës së rëndësishme”, u shpreh zëdhënësi i ministrisë së jashtme në Pekin, Lin Jian, duke u përgjigjur pyetjes për akuzën e ngritur nga kryeministri Albin Kurti se pas sulmit qëndrojnë bandat kriminale serbe.

Megjithatë zyrtari kinez përsëriti qëndrimin e vendit të tij në mbështetje të Beogradit zyrtar. “Sa i përket çështjes së Kosovës, Kina, si gjithmonë, respekton sovranitetin dhe integritetin territorial të Serbisë dhe u bën thirrje palëve relevante që të vazhdojnë të angazhohen në dialogun pragmatik dhe konstruktiv dhe të kërkojnë në mënyrë aktive një zgjidhje të qëndrueshme për çështjen e Kosovës.

Gjatë këtij procesi duhet të mbrohen siguria dhe të drejtat dhe interesat legjitime të të gjitha grupeve etnike në Kosovë”, përfundoi zëdhënësi.