U arrestua pas 8 muajsh arrati/ Ergys Agasi vizitohet në burgun 313 nga avokati i tij Maks Haxhia

Kryetari i Dhomës së Avokatisë së Shqipërisë Maksim Haxhia ka takuar Ergys Agasin vetëm disa orë pasi u transferua te Blloku i Sigurisë. 

Haxhia do të jetë mbojtësi ligjor i Agasit në përballjen e këtij të fundit me SPAK.Agasi u arrestua një ditë më parë në zonën e Plepave, Durrës pas tetë muajsh në arrati.

Agasi u kap për llogari të SPAK pas 8 muajsh arrati, i akuzuar për abuzimet me tenderët e AKSHI-t, ndërsa udhëtonte nga Elbasani në drejtim të qytetit bregdetar të Durrësit.

Pasi iu komunikua masa e arrestit, biznesmeni u transferua në ambientet e Bllokut të Sigurisë, aty ku do të qëndrojë derisa të dalë para GJKKO-së për vlerësimin e masës.

Operacioni u zhvillua pasditen e 26 gushtit nga Policia e Durrësit, në bashkëpunim me SPAK-un, të cilët e kishin pikasur mjetin “Audi” me të cilin udhëtonte Agasi që në qytetin e Elbasanit.

Agasi është ndjekur për të paktën 40 kilometra, drejt Peqinit, Rrogozhinës dhe Durrësit, ku u arrestua në zonën e Plepave.