Vrasja e 57-vjecarit Pjeter Kaza në Lezhë, policia heton për hakmarrje, i ekzekutuan vëllain në Belgjikë

Policia po heton hakmarrjen si nje ga pistat e mundshme per vrasjen e 57-vjecarit Pjeter Kaza i cili u ekzekutua ne Lezhe gjate nates teksa kthehej ne banesen e tij.

Nje nga dosjet e rihapura nga policia lokale per hetimin e ngjarjes eshte ajo e ngjarjes se dates 7 Janar të vitit 1994, ku qyteti i Rrëshenit u trondit nga vrasja e Shefit të Krimeve, Ndue Kaza.

Ai dyshohet se u qëllua me armë zjarri në mes të qytetit nga Dod Gjini dhe Augustin Gjini, të cilët pas ngjarjes u arratisën.

Në vitin 1997, Martin Kaza ka vrarë për hakmarrje në qytetin e Laçit, vëllezërit Dod Gjini dhe Augustin Gjini, të cilët kanë qenë autorët e dyshuar të vrasjes se vëllait të tij në vitin 1994.

Martin Kaza është dënuar për vrasjen me 22 vite burg për veprat penale “vrasja me paramendim, e kryer në bashkëpunim" si dhe “armëmbajtje pa leje”.

Kaza u arrestua në Londër, ndërsa në vitin 2017 u ekstradua dhe vijon të kryej dënimin në Shqipëri.

Pista kryesore mbetet hakmarrja, parë mësohet se Kazës i kishin vrarë edhe vëllanë në Belgjikë.

Agustin Kaza, vëllai i Pjetër Kazës që u vra sot, është ekzekutuar vitin e kaluar (28 prill) në Belgjikë.

44-vjeçari u qëllua me armë zjarri në tarracën e një kafeneje në komunën Schaarbeek të Brukselit, teksa vdiq pas një jave në spital (6 maj).

Kaza mori një plumb në kokë dhe tre në gjoks, ndërsa u dërgua në spital në gjendje të rëndë. Policia ende nuk e ka identifikuar apo arrestuar autorin.

Augustin Kaza, ishte ulur në një kafene, kur një burrë i maskuar e qëlloi katër herë, raportonte media De Standaard. Madje u publikuan edhe pamje nga atentati.

Familja Kaza janë me origjinë nga Oroshi i Mirditës.

Agustin Kaza dyshohet se u vra për gjakmarrje. 44-vjeçari është edhe vëllai i Martin Kazës, i dënuar për vrasjen e dy vëllezërve Gjini, në 3 korrik të 1997 në Mirditë. Martin Kaza është dënuar me 22 vite burg për vrasjen e vëllezërve Dod dhe Augustin Gjini, të cilët dyshoheshin se i kishin vrarë vëllain shef krimesh në vitin 1994.

Tronditet Lezha, 57-vjecari Pjeter Kaza vritet natën në makinë para banesës

Pjeter Kaza, 57 vjec eshte vrare me arme zjarri ne Lezhe mbremjen e djeshme.

Lajmi eshte bere i ditur nga policia lokale.

Sipas policise, 57 vjecari eshte vrare ne automjetin e tij teksa po kthehej ne shtepi.

Policia dyshon se vrasja ka ndodhur ne kohenq e Pjeter Kaza, po parkonte automjetin para baneses se tij ndersa trupi i pa jete eshte gjetur nga familjaret ne zonen e Tales.

Lezhë/Informacion paraprak

Në fshatin Tale, Lezhë, në rrethana ende të paqarta, është vrarë me armë zjarri shtetasi P. K., rreth 57 vjeç, banues në Tale.

Nga veprimet e para hetimore dyshohet se ngjarja ka ndodhur para banesës së tij, në kohën që shtetasi P. K., po kthehej për në banesë me automjetin e tij.

Menjëherë pas marrjes së njoftimit, në vendngjarje janë nisur shërbimet e Policisë vendore të mbështetura nga Forca Kombëtare e Sigurisë, Njësia Shkodër.

Ndërkohë është ngritur një grup i posaçëm hetimor i cili ka shkuar në vendin e ngjarjes, dhe nën drejtimin e Prokurorit, po kryejnë veprimet hetimore me qëllim zbardhjen e ngjarjes, identifikimin dhe kapjen e autorit.