Tragjike në Mirditë/ Humb jetën 51-vjeçari, i bie mbi trup transmisioni i ekskavatorit

Një ngjarje e rëndë ka ndodhur në Mirditë ditën e sotme. Polica bën me dije se një 51-vjeçar, banues në Malaj, Mirditë është dërguar pa shenja jete në spital.

Nga veprimet e para dyshohet se shtetasi F.P, kishte shkuar në Spaç, bashkë me kushëririn e tij, shtetasin P. P., për të rregulluar një mjet ekskavator në ofiçinën ku shtetasi P.P është përgjegjës.

Gjatë punës, duke ndërruar transmisionin e këtij mjeti, kriku ku mbahej i fiksuar transmisioni është këputur dhe ka goditur shtetasin F. P., i cili për pasojë ka humbur jetën. Grupi hetimor po punon për sqarimin e rrethanave të rastit.