Tragjedia në familjen Rushaj, humb tre anëtarë në pak muaj nga aksidentet

Tragjedia ka goditur familjen Rushaj në Dukagjin, e cila në pak muaj ka humbur tre anëtarë të familjes në aksidente tragjike.

Sot u bë me dije lajmi se ndërroi jetë Gjelosh Rushaj. Rushaj u përfshi në një aksident pak ditë më parë në zonën e Dukagjinit. Ai humbi kontrollin e kamioçinës dhe ra në humnerë në njësinë Pult të Dukagjinit. Rushaj u transportua me helikopter në Spitalin e Traumës në Tiranë, ku ndodhej në gjendje të rëndë, ndërsa sot ndërroi jetë.

Foto nga aksidenti qe humbi jeten Gjelosh Rushaj

Më herët familja Rushaj u godit nga një tjetër tragjedi, ku babë e bir , Pjetër e Jason Rushaj u mbytën në lumin e zonës së Bogës në Malësinë e Madhe.

Ngjarja ndodhi nëntor, ku vend ishte përfshirë nga reshje të dendura shiu dhe kishte shkaktuar dhe përmbytje. Makina me të cilën ata udhëtonin u rrëmbye nga rrjedha e përroit në Bogë, vajza arriti të dalë në kohë dhe shëtoi, kurse babë e bir mbetën të bllokuar dhe fatkeqësisht humbën jetën.