Tragjas dhe Karaburuni vazhdojnë luftën me zjarrin, asnjë ndërhyrje nga ajri

Zjarr masiv vijon që prej një jave në Tragjas dhe Karaburun, që sipas autoriteteve lokale, janë riaktivizuar. Për pasojë, po digjen qindra hektarë pyje. Mësohet se zjarrëfikësit po luftojnë me flakët, vetëm me mjete rrethanore, duke mos pasur asnjë ndërhyrje nga ajri.

Forcat Zjarrfikëse të qytetit të Vlorës janë nisur drejt vatrave të zjarrit për të bërë shuarjen e tyre. Siç vihet re nga pamjet, punonjësit po luftojnë me mjete rrethanore dhe në kushte mjaft të vështira që të vënë në kontroll vatrat e zjarrit.