Të shtunën primaret në PD, kandidat edhe ish-prokurori Arjan Ndoj që u plagos në atentat

Të shtunën partia demokratike do të zhvillojë procesin e primareve për të përzgjedhur kandidatët për deputet.

Afati i aplikimeve për këtë proces u shty me vendim të kryesisë dhe mes 20 kandidatëve të rinj që kanë aplikuar bie në sy emri i ish-prokurorit Arjan Ndoji i cili garon në Durrës.

Arjan Ndoji u shkarkua nga vetingu në vitin 2022 për kontakte me persona me precedentë penalë dhe të rrezikshëm.

Prokurori Ndoji u sulmua në një atentat në nëntor të vitit 2019, në të cilin ai dhe një person i identifikuar si Aleksandër Laho u plagosën, ndërsa shoferi i Ndojës, Andi Maloku, mbeti i vrarë.

Mes 20 emrave të rinj që do t’i shtohen listës së kandidatëve në primare bie në sy edhe emri i ish-gjeneralit Xhemal Gjunkshit i cili në debatin brenda Partisë Demokratike kishte qëndruar deri më tani në krah të Lulzim Bashes.