Stuhia “Bora” godet Greqinë, lë të vdekur tre persona

Shteti fqinj i Greqise është përfshirë nga moti i keq ditët e fundit. Në Rodos është shpallur gjendja e jashtëzakonshme, pasi u godit nga stuhia “Bora”.

Deri tani kanë humbur jetën 3 persona për shkak të stuhisë. Dy burra vdiqën në një fshat të përmbytur në Lemnos, në veri të Detit Egje.

Ekipet e shpëtimit në ishuj, të ndihmuar nga ushtria dhe autoritetet lokale, shpëtuan shumë banorë të moshuar në zonat e goditura nga përmbytjet, pasi erërat deri në 129 km/h dhe shiu i rrëmbyeshëm gjatë fundjavës përmbysën makinat, shkaktuan ndërprerje të energjisë elektrike dhe dëmtuan rrugët.

Ndër zonat e goditura rëndë ishte vendpushimi popullor i Rodosit i Falirakit, ku përmbytjet e shkaktuara nga shirat e rrëmbyeshëm shkatërruan një urë, shkaktuan hapjen e humnerës në tokë dhe dëmtuan shtëpitë dhe dyqanet në bregdet.