“Stop kontrolleve të befasishme”, Rama: Janë një shëmti e vërtetë, si duhet të inspektohen bizneset

Qeveria shqiptare ka nisur një reformë të thellë në sistemin e sigurisë ushqimore, duke synuar harmonizimin e plotë me kuadrin ligjor të Bashkimit Evropian dhe modernizimin e strukturave kyçe.

Gjatë një fjalimi të mbajtur së fundmi, Kryeministri Edi Rama theksoi se beteja kundër informalitetit në zinxhirin ushqimor është pjesë e luftës për shtetin e së drejtës, duke paralajmëruar fundin e "traditës së shëmtuar" të kontrolleve të befasishme nga inspektorët.

Rama: Na duhet modernizimi i rrjetit të laboratorëve dhe veterinarëve. Nuk janë detyra, por zgjedhje të pashmangshme për të nesërmen tonë. Në fund ligji i shkruar nuyk e bën punën. Punën e bëjnë njerëzit që zbatojnë ligjin, që duan të luftojnë informalitetitn. Kjo nuk është një ccështje ekonomike ose cilësie por është pjesë e luftës së shtetit të së drejtës.

Detyrat janë shumë të qarta: Nga njëra anë zhvillimi i mëtejshëm i dijeve dhe trajnimi i mëtejshëm me përgjegjësitë dhe barrën qytetarë të detyrës dhe ndërtimi i një kulture kontrollesh zyrtare në bazë risku të monitoruara nga qendra për ti dhënë fund traditës së vjetër dhe të shëmtuar të kontrolleve të befasishme të iniciuara nga inspektorët. Janë një shëmti e vërtetë.