“SPAK-u nuk gabon, nën kontroll nga amerikanët” – Spartak Ngjela: Balluku dhe të tjerët nuk shpëtojnë dot

Avokati Spartak Ngjela, i ftuar në emisionin “Minuta e Parë” në News24 përballë gazetares Ola Bruko, komentoi hetimet që po kryhen ndaj ish zëvendës kryeministres Belinda Balluku, së cilës SPAK së fundmi i ka sekuestruar dy vila luksoze ndërsa e ka vënë në hetim edhe për disa vepra të tjera penale, krahas shkeljes së barazisë në tendera, që i është komunikuar.

Ai theksoi se Balluku dhe të tjerët që po përballen me drejtësinë nuk do tëq shpëtojnë dot.

Ngjela nënvizoi se Struktura e Posaçme nuk mund të gabojë apo të ndikohet, pasi gëzon mbështetjen e partnerëve ndërkombëtarë.

“SPAK nuk gabon. Kontrollohet nga jashtë. Pse nuk vepron SPAK është pyetja? Nuk e ka të lehtë.

SPAK nuk janë njerëz të zakonshëm. Kanë ekspertët amerikanë juridikë. Nuk mund të goditet aq kollaj Shqipëria sepse ka mbrojtje.”, tha ai.