SPAK shtyn për të hënën mbylljen e hetimeve për Ilir Metën, me kërkesë të avokatit Cakrani

Hetimet e shumëpritura të SPAK ndaj ish-presidentit Ilir Meta nuk do të mbyllen sot, siç ishte planifikuar zyrtarisht. Shkak për këtë shtyrje është bërë avokati i Metës, Kujtim Cakrani, i cili ka kërkuar që procedura të shtyhet për shkak se ndodhet me pushime.

SPAK kishte njoftuar Metën të paraqitej sot në orën 10:00 për t’u njohur me mbylljen e hetimeve, por kërkesa e avokatit u pranua dhe afati është shtyrë për ditën e hënë.

Ndërkohë, në mesditë pritet të njihet me mbylljen e hetimeve edhe Monika Kryemadhi, bashkëshortja e Metës, si dhe nëna e saj – të dyja të përfshira në të njëjtin dosje hetimore që lidhet me pasurinë dhe përdorimin e fondeve të dyshimta.

Procesi vijon të jetë një ndër çështjet më të ndjekura të momentit.