Skema e pazakontë te "313"/ Koka'ina si guaska e kan'abisi si karkaleca, si u fsheh dro'ga te makaronat me fruta detit

Gjatë një kontrolli të zhvilluar nga Drejtoria e Përgjithshme e Burgjeve dhe Agjencia e Mbikëqyrjes në Sistemin e Ekzekutimit të Vendimeve Penale ditën e djeshme u gjet një sasi e dyshuar lënde narkotike në burgun 313 në Tiranë.

Gazetarja e Top Channel, Anila Hoxha ka siguruar foto nga droga e cila ishte futur brenda makaronave të përgatitura.

Janë gjetur 12 doza të dyshuara kokainë dhe 17 doza të dyshuara kanabis sative.

Kontrolli është kryer nga strukturat e Drejtorisë së Përgjithshme të Burgjeve, në bashkëpunim me Agjencinë e Mbikëqyrjes në Sistemin e Ekzekutimit të Vendimeve Penale (AMSEVP).

Zbulimi i lëndës narkotike vjen në një kohë kur kontrollet në institucionet penitenciare kanë evidentuar edhe raste të tjera të futjes së sendeve të ndaluara.

Kontrollet synojnë evidentimin dhe parandalimin e futjes së lëndëve narkotike, telefonave celularë dhe sendeve të tjera të ndaluara në institucionet e vuajtjes së dënimit.