Dalin fotot e emrat, kush janë 9 administratorët e skandalit të mikrokredive, i blenë nga "Pro Credit Bank"

Prokuroria e Tiranës ka goditur më në fund mashtriminin e mikrokredive. Edhe pse me shumë vonesë, pasi Ministria e Drejtësisë ka bërë 700 faqe kallëzim penal që në shkurt 2020, sërish veprimi i Prokurorisë është për t’u vlerësuar.

Prokuroria ka kërkuar 9 masa sigurie arrest me burg dhe arrest shtëpie për disa fije të kupolës së mikrokredive.

Prapaskena sjell foton e secilit anëtar të kartelit të mikrokredive Micro Credit Albania, ADCA, SHP Zig, FS, FLASH, për të cilët Prokuroria kërkon izolimin në burg ose në shtëpi për zhvatjen e mijëra shqiptarëve.

Ata janë Aldo Daka, Albert Gega, Edmond Mato, Kejda Seferi, Arben Meskuti, Alban Kote Alketa Tanushi, Jordisa Dervishi dhe Elda Ibro.

Duhet theksuar se përpos Arben Meskutit dhe Elda Ibros, të tjerët kanë rol zbatues dhe thjeshtë u kanë lënë vulën në dorë për të grabitur./ Prapaskena

Rasti numër tre i mashtrimit
Ndërkohë një rast i tretë i mashtrimit lidhet me shtetasen Eriselda Rista. Kjo grua së bashku më bashkëshortin e saj Ilir Dylgjeri, ka marrë një kredi pranë “ProCreditBank” në 2010, në shumën 700 mijë lekë të reja.

Pas disa shlyerjesh kredi-marrësit, nuk e paguajnë këstet dhe me vonë banka kërkon nga gjykata të nxirret një urdhër ekzekutimi për marrjen me forcë të detyrimit nga shërbimi përmbarimor. 

Gjykata e Tiranës ka lëshuar urdhër ekzekutimi në vlerën e 735 mijë lekëve.

Ajo i është drejtuar shoqërisë “Shkrela” për titullin e ekzekutimit ku në mënyrë të detajuar ka kërkuar mbi 692 mijë lekë principal, mbi 230 mijë lekë interesa dhe mbi 85 mijë lekë gjoba.

Në total vlera e kërkuar është mbi një milionë lekë të reja. Ndërkohë që vendimi i gjykatës ishte për 735 mijë lekë. Rezulton se banka ka kërkuar 272 mijë lekë më shumë se sa ka vendosur gjykata.

Përmbaruesi Ilirjan Shkrela lidhur me ekzekutimin ka nisur procedurën e ekzekutimit duke shtuar edhe tarifën përmbarimore prej 58 mijë lekësh.

Fillimisht ka urdhëruar vendosjen e masës sekuestro konservative mbi pagën e debitores nga janari 2013 deri në janar 2014.

Gjithë këtë periudhe çdo muaj ka kaluar rregullisht shuma prej 12 mijë lekë të reja nga llogaria e përmbaruesit te ajo e bankës “ProCredit”.

Kjo bankë ka kaluar një sërë dosjesh te shërbimi përmbarimor “ZiG”. Mes tyre ishte edhe dosja e EriseldaRista.

Pas transferimit të çështjesh nga njëra zyrë përmbarimore te tjera u shtuan edhe 6600 lekë për shpenzimet e administratimit të dosjes përmbarimore.

Përmbaruesja e shoqërisë përmbarimore “STAR”, Jordisa Dervishi ka sekuestruar pagat e dy bashkëshorteve si dhe mjete motorike.

Me pas në maj të 2015, “ProCreditBank”, i ka shitur portofolin e kredive te keqia agjensise financiare “MicroCredit Albani”.

Me ketë agjenci ata kanë lidhur katër kontrata me të njëjtin kreditor që kërkonte ekzekutimin e detyrimit “MicroCreditAlbania”.      

“...praktika si këto qe janë trajtuar me sipër, ne dosjet përmbarimore objekt hetimi janë ne një numër të konsiderueshëm...”-thuhet në dosjen e prokurorisë së Tiranës.