Situatë e rëndë në Shkodër, 1 mijë hektarë tokë bujqësore nën ujë, bllokohet ura

Situata në vend është shfaqur e rënduar gjatë të gjithë ditës së sotme si pasojë e reshjeve të dendura.

Një nga zonat më të prekura është qarku i Shkodrës.

Sipërfaqja nën ujë në territorin e Bashkisë Shkodër është zgjeruar gjatë orëve të mbrëmjes, ku përveç reshjeve, shkarkimet e hidrocentraleve po japin ndikimin e tyre, citon news24. Afro 1 mijë hektarë tokë bujqësore ndodhen nën ujë sipas raportimeve të pasdrekes, ku Ana e Malit dhe Guri i Zi janë njësitë më problematike.

Raportohet gjithashtu se është ndaluar plotësisht trafiku në Urën e re të Bahçallëkut.

Kjo pasi mbetjet e urës së vjetër janë marrë përpara nga uji dhe përplasen në irën e re.

Ndalimi i qarkullimit është bërë për shkak të rrezikut që mund t’i kanoset urës dhe personave që kalojnë mbi të.