Si nëpër filma/ Ylli Zalla nuk u vetëdorëzua por u arrestua nga Policia e Tiranës dhe RENEA (Video)

Dalin pamjet nga operacioni për arrestimin e Ylli Zallës, i cili, ndryshe nga pretendimet e avokatit të tij se ishte vetëdorëzuar, rezulton se është mbajtur nën vëzhgim nga Policia e Tiranës deri në momentin e prangosjes.

Sipas pamjeve të siguruara, Zalla shfaqet duke lëvizur në zonë me një kallashnikov në krah. Arma iu sekuestrua gjatë operacionit, së bashku me tre karikatorë.

Hetuesit e Policisë së Tiranës kanë ndjekur lëvizjet e të shumëkërkuarit përmes një operacioni survejimi, ku është përdorur edhe dron i teknologjisë së lartë “Bayraktar”.

Pas lokalizimit dhe ndjekjes së tij, në operacion u angazhuan edhe forcat speciale RENEA, të cilat bënë të mundur arrestimin e Ylli Zallës.