Shqiptari kapet me 9 kg kokainë në Francë, vlera 600 mijë euro

Një i ri shqiptar u arrestua nga policia franceze duke transportuar një sasi lënde narkotike të llojit kokainë.

Shqiptari 25-vjeçar është arrestuar në zonën e pushimit St Léger, në A10, në Charente-Maritime.

Doganierët francezë i bënë shenjë ndalimi dhe gjatë kontrollit të mjetit i gjetën në makinë 9 kilogramë kokainë.

Sipas burimeve droga ishte fshehur në kutinë e vendosur poshtë levës së marshit. Vlera e kokainës nëse do të hidhej në treg përllogaritet në rreth 600.000 euro.

25 vjecari shqiptar pritet të dalë këtë të martë përpara gjykatës së Saintes.