Shpërthimi në makinën e vëllezërve në Gramsh, banorët: Ishte shumë i fortë, si bombë!

Automjeti tip Ford Focus ka shpërthyer pasditen e 21 korrikut 2024 ku për pasojë janë plagosur rëndë dy vëllezër, Algert dhe Eraldi Mina të cilët ndodheshin në mjet në momentin e shpërthimit. 

Ngjarja e rëndë është regjistruar rreth orës 17:20 në lagjen "Xhile Liçi", të Gramshit

Shpërthimi ka qenë aq i fuqishëm sa ka dëmtuar edhe xhamat e banesave përreth por dhe makinave që ndodheshin të parkuara aty. Policia njoftoi se makina me targa "AB 713JT" ka qenë në lëvizje kur ka ndodhur shpërthimi. 

Në momentin e shpërthimit në timon ka qenë Algerti, ndërsa Eraldi ka qenë pasagjer.

Dyshimet e para janë se shpërthimi ka ndodhur me tritol, por ende mbetet një pistë hetimi, ndërsa policia nuk e ka sqaruar ende.

Dy vëllezërit janë sjellë me urgjencë në spitalin e Traumës në Tiranë. 

Vëllezërit merreshin me biznes, njëri zotëron një lokal dhe tjetri një mobilieri.

Një burrë dhe një grua që kanë shtëpinë pranë rrugës ku ndodhi ngjarja thonë se u duk si një bombë atomike shpërthimi.

'Plasi shpërthimi. U trembëm, filoi që tek benzi i parë filloi. Kur ndaloi këtu, plasi si bombë e madhe.

Dy vëllezërit nuk i njoh, njoh famijlen. Njerëz të urtë. Babai i dy fëmijëve ka qenë në uzinë. E ëma është pastruese tek shkolla. I ati në pension. Nuk i njoh për njerëz të këqij. Çunat nuk i njihja.'

'Në banesë nuk ka patur, por makina është dëmtuar. U trembëm. Lajmëruam policinë, zjarrfikësin. Të atin ia njoh. Ishim brenda në shtëpi.

U duk si bombë atomike. Kam 11 vjet që e kam ble makinën, por llamarina rregullohet.' citon report tv.