Shpërthim me lëndë plasëse në derën e një banese në këtë qytet të Shqipërisë, ka dëme materiale

Një shpërthim me lënde plasëse ka ndodhur gjatë orëve të para të mëngjesit në Vorë.

Sipas informacionit të Policisë, ngjarja është regjistruar rreth orës 03:15, në rrugën “Fusha e Sportit”, ku në derën e banesës së shtetasit F. Sh. ka shpërthyer një sasi e vogël lënde plasëse.

Nga shpërthimi raportohet se ka pasur vetëm dëme të lehta materiale dhe nuk ka të dhëna për persona të lënduar.

Njoftimi:

Vorë/Informacion paraprak

Rreth orës 03:15, në rrugën “Fusha e Sportit, Vorë, në derën e banesës të shtetasit F. Sh ka shpërthyer një sasi e vogël lënde plasëse. Nga shpërthimi ka patur dëme të lehta materiale.

Grupi hetimor vijon punën për zbardhjen e plotë të rrethanave të rastit, si dhe identifikimin dhe kapjen e autorit/autorëve.