Shkelën rëndë rregullat e qarkullimit rrugor, policia asnjë tolerancë, arreston 3 shoferë

Policia rrugore në qarkun e Tiranës ka arrestuar 3 shoferë që akuzohen për shkelje të rregullave të qarkullimit rrugor.

“Specialistet e Qarkullimit Rrugor bënë arrestimin në flagrancë të shtetasve: H. R., 42 vjeç, pasi u kap duke drejtuar mjetin pa lejen përkatëse; I. L., 43 vjeç, pasi u kap duke drejtuar mjetin në gjendje të dehur; K. H., 26 vjeç, pasi duke drejtuar mjetin në gjendje të dehur është përfshirë në një aksident me dëme materiale.

Materialet iu referuan Prokurorisë, për veprime të metejshme”, njofton policia.