Shfaqet lija e majmunit në Shqipëri! Pacienti një 30-vjeçar, dyshohet se u infektua pasi...

Është identifikuar rasti i parë i infektimit me linë e majmunit në Shqipëri. Burime konfirmojnë se sëmundja infektive virale shkaktuar nga virusi monkeypox është diagnostikuar tek një i ri, rreth të tridhjetave.

I riu para mjekëve ka treguar se ka udhëtuar jashtë vendit dhe ky detaj shihet si shkak infektimi, pasi deri më tani në Shqipëri nuk kanë identifikuar ose të paktën nuk janë raportuar nga Instituti i shëndetit publik raste të prekura nga lija e Majmunit.

Lija e majminit është zakonisht një sëmundje e lehtë, por mund të shkaktojë skuqje dhe inflamacion në fytyrë dhe duar, duke u përhapur në pjesë të tjera të trupit, dhe në disa raste mund të jetë vdekjeprurëse.

Lija e majmunit përhapet kryesisht nëpërmjet kontaktit të ngushtë me personat e infektuar, përfshirë marrëdhëniet intime./tch