SHBA i dhuron dronë ushtrisë shqiptare, oficerja shqiptare që u rikthye me Gardën amerikane

Dronë "Puma" super inteligjentë të cilët mund të përdoren pa pilotë, ishte dhurata e anëtarëve të Gardës Kombëtare të New Jersey për Forcat e Armatosura shqiptare

Sipas një njoftimi nga Ambasada amerikane në Tiranë thuhet se “Puma-t” Forcave të Armatosura Shqiptare si pjesë e mbështetjes së Shteteve të Bashkuara ndaj Batalionit të dytë të Këmbësorisë.

“Anëtarë të Gardës Kombëtare të New Jersey udhëtuan në Shqipëri këtë javë për të kryer fluturime simuluese me Sistemet Ajrore pa pilot PUMA të sapoblera. PUMA-t iu dhanë Forcave të Armatosura Shqiptare si pjesë e mbështetjes së Shteteve të Bashkuara ndaj Batalionit të dytë të Këmbësorisë.

Ushtarët e Gardës Kombëtare të New Jersey kanë kaluar javën duke ofruar mbështetje për kolegët ushtarakë shqiptarë me inventarin, mirëmbajtjen dhe trajnime mbi pajisjet e reja.

Një nga ushtarakët e Gardës Kombëtare të NewJersey, Togerja e Parë Collaku, ka lindur në Shqipëri dhe është transferuar në New Jersey kur ishte adoleshente. Ajo tani është Oficere e Ushtrisë dhe ky program partneriteti ndërmjet shteteve është veçanërisht domethënës për të, pasi kthehet në Shqipëri. #krahperkrah” thuhet në njoftimin e ambasadës amerikane.