Sekuestrimi i 1 milion paundëve në Durrës, çfarë deklaroi para policisë shoferi 20-vjeçar i furgonit

Pas kapjes nga autoritetet në Portin e Durrësit të rreth 1 milion paund, policia ka marrë në pyetje shoferin e furgonit ku u gjetën të fshehura paratë.

Shoferi 20-vjeçar, O. Sefolli nga Hasi, ka pohuar se nuk ishte në dijeni të sasisë së parave pasi ai bënte transport mallrash Angli-Shqipëri.

Raportohet se fugoni tip Mercedes Benz me targa angleze ku u gjet sasia e Paundëve bën shërbimin postar mes emigrantëve shqiptarë dhe familjeve të tyre në Angli.

Pakot me Paund u gjetën në pjesën e prapakolpit, pas kontrollit në skaner të fugonit. Mësohet se i ndaluari nuk ka pranuar deri tani të ishte në dijeni për sasinë e gjetur të parave.

Furgoni me 1 milion paund cash që vinte nga Anglia është ndaluar ditën e sotme në Portin e Durrësit. Furgoni ka ardhur nga porti i Ankonës në Itali dhe ka mbërritur në Durrës rreth orë 12:00.