Rrëshqet në tualet, humb jetën nga goditja fatale 67-vjeçari në Pogradec

Foto ilustruese

Një 67-vjeçar ka humbur jetën tragjikisht si pasojë e rrëzimit në banesën e tij, konkretisht ne banjo.

Ngjarja ka ndodhur pasditen e sotme në Lagjen numër 4 në qytetin e Pogradecit.

Burime bëjnë me dije se, viktima i identifikuar si Faredin Hoxhalli është gjetur pa jetë nga familjarët, ndërsa paraprakisht dyshohet se ka rrëshqitur në banjë dhe ka rënë.

Trupi është transportuar në morgun e qytetit ndërsa pritet edhe autopsia mjeko-ligjore për të përcaktuar shkaqet e vdekjes ndërkohë që policia  po heton ngjarjen.