Rihapen regjistrimet për nxënësit e klasave të para dhe të dhjeta, zbuloni deri kur keni afat

Ministria e Arsimit ka njoftuar se janë rihapur regjistrimet në e-Albania për të gjithë nxënësit që ende nuk janë regjistruar. Sipas njoftimit të Ministrisë sistemi do të qëndrojë i hapur deri më 7 shtator 2026.

Aplikimet vlejnë për regjistrimet në klasën e parë, klasën e dhjetë, si dhe në shkollat artistike dhe sportive.

Ministria apelon se prindërit dhe nxënësit duhet të përfundojnë procedurat brenda afatit të përcaktuar.

Njoftimi i Ministrisë

RIHAPEN REGJISTRIMET

Për të gjithë nxënësit që ende nuk kanë përfunduar regjistrimin, rihapen sot aplikimet në e-Albania  dhe sistemi do të jetë i hapur deri më 7 shtator 2026.

Aplikimet do të jenë të hapura për: regjistrimet në klasën e parë;  regjistrimet në klasën e dhjetë;  regjistrimet në shkollat artistike dhe sportive.

Prindër dhe nxënës, mos e humbisni këtë afat dhe përfundoni regjistrimin brenda periudhës së përcaktuar në mënyrë që të mos rrezikojmë regjistrimin në shkollë‼