Revolta në ditën e 99-të, qytetarët vijojnë marshimin: Studentët kërkojnë revolucion! Shqipëria e rinisë, jo e partisë

Marshimi i qytetarëve vijon në Tiranë në ditën e 99-të të revoltës antiqeveritare, ndërsa studentët dhe të rinjtë kanë përcjellë mesazhe për ndryshim dhe kundër politikës.

Gjatë marshimit, protestuesit kanë përsëritur thirrjen “Studentët kërkojnë revolucion!”, ndërsa një tjetër slogan i brohoritur prej tyre ishte “Shqipëria e rinisë, jo e partisë!”

Të rinjtë kanë qenë në fokus të marshimit, duke u kërkuar bashkëmoshatarëve dhe jo vetëm që t’u bashkohen çdo ditë e më shumë, për të arritur kërkesën kryesore dhe të panegociueshme të tyre, dorëheqjen e kryeministrit.

Protestuesit kanë bërë gjithashtu thirrje për vijimin e qëndresës gjatë muajit shtator dhe për përshkallëzimin e protestës në forma të mosbindjes civile.