Radhë kilometrike në Kapshticës, dogana greke punon me numër të kufizuar sportelesh!

Një radhë e gjatë automjetesh është krijuar në pikën kufitare të Kapshticës, ndërsa raportohet se drejtuesit kanë rreth 1 orë që presin të kalojnë. 

Dhjetëra mjete presin për të kaluar drejt shtetit grek pasi kanë pasur disa ditë pushim lidhur me një festë që shënohet si E hëna e Pastër. Mësohet se pala shqiptare po punon me 5 sportele ndërsa nga ana tjetër, pala greke më e ngadaltë me vetëm 3 sportele.

Emigrantët e kthyer pak ditë më parë në Atdhe, po kthehen sërish në Greqisë, por numri i lartë i mjeteve ka bërë të krijohet radhë në këtë doganë.