Akuzohen për dhunë fizike dhe psikologjike në familje, pranga 2 personave në Tiranë

Policia e Tiranës ka arrestuar dy persona, të akuzuar për dhunë në familje. Policia bën me dije se bëhet fjalë për dy raste të ndryshme.

“Nga specialistët për Hetimin e Krimit në Komisariatin e Policisë Nr. 1 u bë arrestimi në flagrancë i shtetasit D. D., 43 vjeç, pasi ka ushtruar dhunë fizike dhe psikologjike ndaj bashkëshortes së tij.

Specialistët për Hetimin e Krimit në Komisariatin e Policisë Nr. 6 bënë arrestimin në flagrancë të shtetasit I. K., 43 vjeç, pasi ka ushtruar dhunë fizike dhe psikologjike ndaj djalit dhe bashkëshortes së tij (e cila ka qenë e pajisur me urdhër-mbrojtje).”, njofton policia.