Qëlloi me armë në drejtim të një makine, shpallet në kërkim "i forti" i Bulqizës, Fadil Ternova

Qëlloi me armë zjarri në drejtim të një automjeti të parkuar në Bulqizë, shpallet në kërkim autori, Fadil Ternova. Policia ka vënë në pranga 20-vjeçarin, Xhoni Sollaku.

"Strukturat Hetimore të Drejtorisë Vendore të Policisë në drejtimin e Prokurorisë, në vijim të hetimeve të thelluara për dokumentimin me prova ligjore të ngjarjes së ndodhur ditën e djeshme, ku shtetasi F.T., 36 vjeç, banues në Bulqizë, ka qëlluar me armë zjarri në drejtim të automjetit të parkuar të shtetasit A.P.

Në vijim të veprimeve, është bërë arrestimi i shtetasit Xhoni Sollaku, 20 vjeç, banues në Bulqizë, i cili ka ndihmuar autorin Fadil Ternova, për tu larguar nga vendngjarja.", njofton policia.