Punonjësi vdiq pasi e zuri korenti, policia vë në pranga administratorin e kompanisë në Mirditë

Policia e Mirditës ka bërë të mundur sot arrestimin e 34-vjeçarit, Fatjon Reçi, me detyrë administrator në një kompani interneti, pasi akuzohet për ‘shkelje të rregullave të mbrojtjes në punë’, për shkak se ditën e djeshme, në fshatin Sheshaj, Mirditë, shtetasi Aurel Dedaj, 34 vjeç, duke punuar për shtrimin e kabllorit për kompaninë, ka rënë në kontakt me rrymën elektrike dhe për pasojë ka ndërruar jetë.

Njoftimi i policisë:

Mirditë, Lezhë

Specialistët për Hetimin e Krimeve në Komisariatin e Policisë Mirditë bënë arrestimin në flagrancë të shtetasit F. R., 34 vjeç, banues në Rrëshen, me detyrë administrator në një kompani interneti.

Arrestimi i këtij shtetasi u bë pasi, më datë 11.07.2021, në fshatin Sheshaj, Mirditë, shtetasi A. D., 34 vjeç, duke punuar për shtrimin e kabllorit për kompaninë, ka rënë në kontakt me rrymën elektrike dhe për pasojë ka ndërruar jetë.

Materialet i kaluan Prokurorisë së Rrethit Gjyqësor Lezhë, për veprën penale “Shkelja e rregullave të mbrojtjes në punë”.