Protestuesit ulen këmbëkryq tek Sheshi Willson, kërcënon Flamur Noka; Do të shkojmë në Surrel

Dhjetra protestues janë ulur këmbkryq në mes të rrugës, te sheshi Willson.

Së bashku me ta u ul edhe Gazment Bardhi.

Menjëherë pas këtij momenti, deputeti demokrat Bledjon Nallbati pati momente tensioni me policinë, gjë që detyroi Gazment Bardhin të ngrihej dhe të shkonte aty për të qetësuar situatën.

Flamur Noka tha nga protesta se mazhoranca është tmerruar dhe është në panik, prandaj dhe ka urdhëruar policinë të ndërhyjë në protestë.

Ai paralajmëroi se revolta e qytetarëve do të mbërrijë deri në Surrel, atje ku banon  kryeministri Edi Rama:

"Po përmbushim misionin e opozitës. Banditët me uniform të rekrutuara nga rilindja kërkojnë të intimidojnë dhe të kërcënojnë opozitën.

zI them nipit të Enver Hoxhes dhe Ramës, largoni duart nga qytetarët. Ky është një mesazh që ua përcjell sot nga ky vend.

Asgjë nuk mund të ndalojë, jo mercenarë, jo kriminele, jo trafikantët, askush nuk e ndal dot mosbindjen civile. Janë të tmerruar, vala e revoltës qytetare do të mbërrijë edhe në Surrel".