Protestat në Tiranë për përdhunimin e 15-vjeçares, kreu i KMSH: I papranueshëm çdo rast abuzimi

Abuzimi seksual i 15-vjeçares në Lezhë ka sjellë protesta masive në Tiranë. Me sloganin “Edukoni djalin”, protestat kërkojnë drejtësi për 15-vjeçaren dhe për të gjithë vajzat që bien re e përdhunimeve. Për këtë situatë, ka reaguar kryetari i KMSH-së, Bujar Spahiu. Përmes postimi në Facebook, ai e dënon këtë veprim.

“Është i papranueshëm çdo rast abuzimi ndaj gruas, gjysmës më të mirë të shoqërisë njerëzore. Rasti më i fundit i abuzimit me të miturën në Mirditë është tronditës.

Përveç reagimit të organeve kompetente, që duhet të jetë reagim i shpejtë dhe shembullor , i atillë duhet të jetë edhe reagimi i mbarë shoqërisë.

Raste të tilla duhen dënuar pa mëdyshjen më të vogël nga secili prej nesh, e kemi detyrim të reagojmë ndaj së keqes në çdo formë që ajo shfaqet”, tha Spahiu.