Pronari i «Delta-s» në konflikt me Vasil Bedinajn: I shkoi në hotel me persona të armatosur të një kompanie private

Biznesmeni Luan Muça është personi që dyshohet se është përfshirë në një konflikt me biznesmenin tjetër Vasil Bedinaj.

Ky i fundit denoncoi sot se u kërcënua nga 10 persona të armatosur. Burime për «Report Tv» thonë se vetë Muça, pronari i «Delta Group» dhe i «Deutsch Color», ka qenë në ambientet e hotelit të Bedinajt në momentin kur ka ndodhur përplasja.

Ndërkohë, personat e armatosur raportohet se kanë qenë punonjës të «SWAT Security», një kompani private sigurie në pronësi të Madrit Lleshajt.

Rezulton se kjo kompani është e kontraktuar nga Muça për të garantuar sigurinë e bizneseve të tij.