Procesi i vaksinimit në Shqipëri me ritme të larta, por ende shumë larg mesatares së Eruopës

Aktualitet

Procesi i vaksinimit në Shqipëri me ritme të larta, por ende

Në Shqipëri vijon procesi i vaksinimit, ku që në ditët e para ka ecur me ritme të larta, por vijon të jetë nën mesatares së Europës. Në raportin e publikuar nga Ëorldindata, në Shqipëri ishin dhënë 19.3 vaksina për 100 banorë, në krahasim me 32.3 që është mesatarja europiane dhe rreth 36, që është mesatarja e Bashkimit Europian dhe pak më lart se mesatarja globale prej 15.5.

Ndërkohë, Ministria e Shëndetësisë në vend, ka ‘zbuluar’ se deri në 5 maj janë kryer në total 538,565 doza të vaksinës ndaj COVID-19. Mbi 419,246 vaksinime janë për persona mbi 60 vjeç. Deri më 4 maj, mbi 100 mijë të vaksinuar me dy doza.

Sipas raportit, në krye të listës në Europë për vaksinimin, ka kaluar Malta, që ka administruar 80 doza për 100 banorë. Mbretëria e Bashkuar vijon të ruajë ritme të larta, me 75 doza për 100 banorë, e ndjekur nga Hungaria që e ka këtë tregues në 66. Në Ballkan, kryeson Serbia, me gati 52 doza për 100 banorë, duke u renditur edhe i katërti në Europë.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Procesi i vaksinimit në Shqipëri me ritme të larta, por ende

Shqipëria vijon të renditet ndër 10 shtetet europiane, që kanë bërë më pak vaksinime, ndonëse pas Serbisë është e dyta në Ballkan për ritmin më të shpejtë. Rritje javët e fundit ka shënuar dhe Mali i Zi (13.6). Mbrapa janë me vaksinimin Maqedonia e Veriut, Kosova dhe Bosnjë- Hercegovina, që nuk kanë arritur të japin më shumë se 5 doza për 100 banorë.

Në vendet e tjera të Europës, Turqia ka administruar 28.5 doza për 100 banorë, Italia 36.5, Greqia 31.7, Kroacia 23.8.

ME TE LEXUARAT