Kthjellime dhe vranësira, ja parashikimi i motit për ditën e sotme në vendin tonë

Moti në vendin tonë për ditën e sotme, do të dominohet nga kthjellime dhe vranësira të lehta. Sipas Meteoalb, pjesa e dytë e ditës, pritet të sjellë kalime vranësirash nëpër territor, ku më të dukshme paraqiten përgjatë zonave Juglindore duke gjeneruar shira të izoluar mëgjithatë në sasi të papërfillshme.

Temperaturat e ajrit do të rriten sërisht në mëngjes dhe mesditë duke luhatur vlerat ekstremale ditore nga 10°C  deri në 28°C. Era do fryjë e lehtë në tokë dhe det me shpejtësi 28 km/h nga drejtimi Jugor duke gjeneruar në det dallgëzim 2-3 ballë.