Po transportonin 27 emigrantë të paligjshëm, arrestohen 3 persona në Korçë, 1 në kërkim (Emrat)

Aktualitet

Po transportonin 27 emigrantë të paligjshëm, arrestohen 3 persona

Policia e Korçës ka arrestuar të paktën 3 persona dhe një ka shpallur në kërkim, pasi u kapën në flagrancë duke transportuar 27 emigrantë të paligjshëm për kalim të kufirit, kundrejt shpërblimit. Policia ka bërë me dije se ka vënë në pranga Mehdi Gjini, 28 vjeç, banues në Tiranë, Kliton Preka 23 vjeç, banues në Kamëz, Tiranë;  Besim Laçi, 28 vjeç, banues në Tiranë, si edhe u shpall në kërkim shtetasi A. M., 22 vjeç, banues në Kamëz, Tiranë.


Policia njofton se ka nisur aksionin pasi mori informacionin se me një mjet tip furgon "Volksëagen Crafter", disa shtetas po transportonin në drejtim të Tiranës emigrantë të paligjshëm. Sipas njoftimit, blutë e Korçës kanë filluar ndjekjen dhe ka bërë të mundur lokalizimin e mjetit pranë fshatit Poloskë, Devoll.

"Gjatë ndjekjes, drejtuesit të këtij mjeti i është bërë me shenjë të ndalonte, por ai nuk i është bindur urdhrit të punonjësve të Policisë dhe ka braktisur mjetin, brenda të cilit u gjetën 27 emigrantë të paligjshëm, të cilëve kundrejt shpërblimit prej 1000 euro secilit, iu ishte premtuar kalimi për në vendet e BE-së.  Nga veprimet hetimore të kryera rezulton se dy shtetasit M. Gj. dhe K. P., (të arrestuar) ishin në rolin e organizatorëve të kësaj veprimtarie kriminale, ndërsa shtetasit B. L. (i arrestuar) dhe A. M. (i shpallur në kërkim) ishin në rolin e  transportuesve të shtetasve të huaj. Nga ana e Policisë po punohet për kapjen e shtetasit A. M", thuhet në njoftimin e policisë.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Policia e Korçës njofton se në operacion kanë marrë pjesë Komisariati i Policisë Devoll, në bashkëpunim me strukturat për Hetimin e Krimeve në DVP Korçë, Policinë Kufitare dhe Forcat Operacionale "Shqiponjat" në Drejtorinë Vendore të Policisë Tiranë, në vijim të operacionit të koduar "Perimetri".

 

ME TE LEXUARAT