Po shkonte në punë, aksidenti fatal i merr jetën 22-vjeçarit shqiptar

Një aksident fatal është regjistruar në afërsi të Casertano, ku një djalë me origjinë shqiptare humbi jetën.

Viktimë e aksidentit të tmerrshëm është një 22 vjeçar banues në Cassino-Formia.

“Alfa Romeo” e drejtuar nga i riu, që ishte nisur për në punë në Formia u përplas me një kamion që vinte në drejtim të kundërt.

Pas përplasjes makina doli nga rruga duke përfunduar në një kanal. Zjarrfikësve u desh të ndërhynin për të nxjerrë të riun nga llamarina, por fatkeqësisht tashmë nuk kishte asgjë tjetër për të bërë për të. Karabinierët po hetojnë aksidentin.