Përplaset me bordurat anësore të rrugës, shkrumbohet nga flakët kamioni në Gjirokastër

GJIROKASTËR

Një kamion i ngarkuar me tjegulla për oxhaqe është përplasur me bordurat anësore, në rrugën nacionale Tepelenë – Gjirokastër, pranë kthesës së “Urës së Leklit”.

Si pasojë e përplasjes, kamioni ka marrë flakë.

Drejtuesi i mjetit është shpëtuar falë ndërhyrjes së forcave zjarrfikëse të Tepelenës. Ndërkohë që aksidenti ka shkaktuar bllokimin e rrugës për më shumë se 30 minuta. Aktualisht situata është e normalizuar.