Aksidenti në Lezhë, humb jetën tek Trauma francezi, në pranga shoferi që u “zhduk” nga vendngjarja

Shtetasi francez, i cili mbeti i plagosur rëndë, pas një aksidenti të dyfishtë në Lezhë, ka ndërruar jetë në spitalin e Traumës. Ndërsa është vendosur në pranga shoferi 23-vjeçar i automjetit tjetër, Samuel Çela, i cili pas aksidentit u largua nga vendngjarja.

I riu banues në Fushë Kuqe, akuzohet për veprat penale “Shkelja e rregullave të qarkullimit rrugor” dhe “Largimi nga vendi i aksidentit.

Njoftimi i i policisë:

Aksidentoi me automjetin e tij, automjetin që drejtohej nga një shtetas francez, dhe u largua nga vendi i aksidentit, identifikohet, kapet dhe vihet në pranga 23-vjeçari.

Për shkak të dëmtimeve, shtetasi francez humbi jetën në spital. Specialistët e Sektorit të Policisë Rrugore të DVP Lezhë arrestuan në flagrancë shtetasin:

S. Ç., 23 vjeç, banues në Fushë Kuqe, për veprat penale “Shkelja e rregullave të qarkullimit rrugor” dhe “Largimi nga vendi i aksidentit.

Shtetasi francez është dërguar në Spitalin e Traumës, por për shkak të dëmtimeve të rënda ka humbur jetën.

Materialet procedurale i kaluan Prokurorisë, për veprime të mëtejshme.

Aksidenti në aksin Lezhë-Laç, francezi humb jetën në spital

Aksident i rëndë në aksin Lezhë-Laç në afërsi të fshatit Spiten. Në aksident janë përfshirë dy automjete, ku siç shihet edhe në video makinat kanë pasur një përplasje të fortë duke përfunduar në dy anët e parcelave në anësore .

Nga burimet në vendngjarje bëhet me dije se në njërin nga automjetet janë gjetur të plagosur një shtetas francez, i cili është transportuar te Spitali i Traumës, ku dhe ka humbur jetën.

Ndërsa në mjetin tjetër ende nuk është gjendur asnjë person ku policia dhe punonjësit e zjarrfikësve janë në kërkim të ndonjë shtetasi, i cili mund të jetë i plagosur, ose edhe mund të jetë larguar nga vendi i ngjarjes.

 Policia po punon për zbardhjen e shkaqeve të këtij aksidenti.