Përndiqte, kërcënonte dhe dogji me cigare ish-bashkëshorten, arrestohet shqiptari në Itali

Karabinierët e Viareggio në Itali kanë arrestuar një 35-vjeçar me origjinë shqiptare, banues në qytet, nën akuzën e dhunës dhe shkeljes së urdhrit të mbrojtjes të lëshuar për ish-bashkëshorten e tij.

Shqiptari, identiteti i të cilit nuk bëhet i ditur, pavarësisht masës, vazhdonte ta kërcënonte dhe përndiqte gruan me telefonata, mesazhe, madje i shkonte dhe në ambientet e punës.

Në një prej incidenteve të fundit, 35 vjeçari e dogji në dorë me cigare ish-partneren, gjë që detyroi gruan të njoftonte policinë për të marrë masa ndaj tij.