Përmbytet Durrësi nga reshjet e shiut, uji vërshon në rrugët e qytetit

Durrësi është një nga qytetet që është goditur sot nga reshje të shumta shiu, të cilat kanë sjellë përmbytje në rrugët e zonave periferike.

Një nga zonat më problematike është lagja nr. 18, pranë stadiumit, ku sasia e madhe e ujit ka arritur disa centimetra, duke e bërë qarkullimin e automjeteve dhe këmbësorëve të vështirësuar.

Reshjet e shiut janë shoqëruar nga erëra të forta, me shpejtësi deri në 13 m/s, që kanë shkaktuar gjithashtu thyerjen e disa pemëve dekorative në qytet. Autoritetet lokale janë në gatishmëri për të adresuar situatën dhe për të minimizuar pasojat e këtyre kushteve atmosferike.

Banorët inkurajohen të kenë kujdes gjatë lëvizjes në rrugë dhe të raportojnë çdo problem në infrastrukturë.