Zjarr në kompleksin e banimit në Tiranë, flakët në katin e katërt, evakuohen banorët

Përfshihet nga flakët apartamenti ne një pallat në Tiranë.

Ngjarja ka ndodhur pak momente më parë në zonën e njohur si “Komuna e Parisit”.

Nga pamjet shihen shtëllunga tymi. (Shiko këtu)

“Tiranë/Informacion paraprak

Më datë 20.01.2025, rreth orës 11:05, në rrugën ‘Tish Daija, ka rënë zjarr në katin e katërt të një ndërtese.

Shërbimet zjarrfikëse ndodhen në vendngjarje dhe po punojnë për fikjen e zjarrit.

Shërbimet e Policisë po bëjnë të mundur evakuimin e banorëve .

Grupi Hetimor po punon për përcaktimin e shkakut të rënies së zjarrit.”, thuhet në njoftimin e policisë.