“Për shpirt të prindërve”, Albi ndryshon mendim për Romeon: Pa këllqe nuk e kisha..

Fraza “je pa këllqe vëlla” që Albi i tha mbrëmë Romeos bëri xhiron e rrjetit në internet, pasi koerografi akuzoi këtë të fundit për lojë të pisët.

Në deklaratën që Albi bëri për Romeon, ai tha se moderatori e bazon lojën te vajzat dhe se nuk di të luftojë i vetëm.

“I ka hapur krahët te të gjitha vajzat, e ka si taktikë për tu mbrojtur me këto”, tha Albi ndër të tjera në spektalkin e së martës të Big Brother Vip 3.

Sakaq ditën e sotme Albi vendosi që t’i sqarojë dhe shpjegojë Romeos frazën “pa këllqe”, duke i kërkuar në një farë mënyrë falje për ato që tha mbrëmë ndaj tij.

Në një bisede me Romeon, Albi duke u betuar në “shpirt të prindërve” i tha Romeos se frazën “pa këllqe” nuk e kishte në konotacion të keq, por veç se për guximin dhe kurajon. Por Romeo duket i lënduar nga deklaratat e Albit. Ai i tha Albit se ajo që bëri “ishte thikë pas shpine”.

“Shiko çfarë bën ti! Ti të ofendon në pikën më të fundit, dhe thua çfarë të keqe ka. Unë jam i qartë me ty, rrofsh, faleminderit, më lër të qetë”, u përgjigj Romeo.