Pastronte paratë e vëllezërve Çopja, Gjykata e Lartë lë në burg Klajdi Merkaj

Gjykata e Lartë miratoi vendimin e Apelit të Posaçëm sa i përket masës së sigurisë “arrest në burg” ndaj 35-vjeçarit Klajdi Merkaj, i cili u ekstradua në muajin nëntor të vitit 2024 nga Roma drejt Tiranës, për llogari të Prokurorisë së Posaçme Antikorrupsion.

Kolegji penal i përbërë nga treshja e gjyqtarëve Ilir Panda, Albana Boksi e Medi Bici pasi shqyrtuan rekursin e depozituar nga avokati mbrojtës i Merkajs, vendosën rrëzimin e saj.

35-vjeçari u ekstradua në 20 nëntor të vitit 2024 nga Italia në drejtim të Shqipërisë, pasi ndaj tij GjKKO kishte caktuar masën “arrest në burg”, për veprën penale  “Pastrimi i produkteve të veprës penale ose veprimtarisë kriminale”, kryer në bashkëpunim.

Merkaj njihet si mik i ngushtë i vëllezërve Çopja, ndërsa nga hetimet e SPAK deri më tani, dyshohet se i riu pastronte paratë e Hajdar dhe Franc Çopjas.