Sulmohet me eksploziv zyra e noteres Esmeralda Dauti tek ish-blloku në Tiranë

Esmeralda Dauti është noterja të cilës në orët e para të mëngjesit të kësaj të marte iu vendos tritol në zyrë, ne zonen e ish-bllokut ne Tirane.

Ngjarja sipas policisë u regjistrua në orën 04:00 të mëngjesit. Fatmirësisht nuk pati dëme në njerëz, por vetëm materiale.

Policia po mbledh kamerat në zonë për të identifikuar autorët e ngjarjës.

Njoftimi i policise:

Më datë 30.01.2024, rreth orës 04:10, është marrë njoftim se në rrugën “Perlat Rexhepi”, në ambientet e jashtme të një noterie, dyshohet se ka shpërthyer lëndë plasëse, dhe si pasojë ka vetëm dëme materiale. 

Grupi hetimor po punon për sqarimin e rrethanave të ngjarjes, identifikimin dhe kapjen e autorit/eve.